Pothuajse ka përfunduar procesi i numerimit te votave në Turqi. Deri më tani Erdogan ka marrë 49.42% të votave , i ndekur nga kandidati i opozitës Kemal Kilicdaroglu me 44.95% të votave. Ndersa janë numëruar 99.38 % e kutive, duket se dy rivalet do të kalojne në balotazh.
Rezultatet përfundimtare që dalin pas numërimit të të gjithave kutive te votimit , apo pasi raundi i dytë i votimit të zhvillohet brenda dy javësh, do të përcaktojnë nëse shteti i Turqisë, mbetet nën kontrollin e Erdoganit ose rifillon një rrugëtim te ri, të premtuar nga lideri i opozitës, Kemal Kilicdaroglu.
Duke folur para mbështetësve në Ankara, Erdogan, tha se ai ende mund të fitonte, por do të respektonte vendimin e qytetarëve nëse gara shkon drejt një balotazhi pas dy javësh.
“Ne ende nuk e dimë nëse zgjedhjet përfunduan në rundin e parë…Nëse kombi ynë ka zgjedhur për një rund të dytë, kjo është gjithashtu e mirëpritur”.
Ndërkohë kandidati i opozitës Kilicdaroglu është shprehur i vendosur se do e fitoje raundin e dytë të zgjedhjeve.
“Ne do të fitojmë absolutisht raundin e dytë… dhe do të sjellim demokracinë”, deklaroi Kilicdaroglu , kandidat i një aleance prej gjashtë partish, duke shtuar se Erdogani kishte humbur besimin e një kombi që tani kërkon ndryshim.
Këto zgjedhje do të jenë vendimtare për të ardhmen politike të presidentit Rexhep Tajip Erdogan dekadat e të cilit në pushtet, kanë riformatuar politikën e Turqisë dhe rolin e saj në çështjet globale.