Zvicra ka planifikuar rritjen e shpenzimeve të mbrojtjes në të paktën 1% të PBB-së, pavarësisht qëndrimit të saj neutral, mes një situate të ndryshuar të sigurisë në Evropë.
Parlamenti miratoi rritjen e shpenzimeve, duke e rritur atë nga niveli aktual prej 0,71% në 1% të PBB-së, pas luftës ruse kundër Ukrainës që filloi në shkurt.
Shpenzimet vjetore të mbrojtjes do të rriten nga rreth 5.5 miliardë franga zvicerane (5.7 miliardë dollarë) në të paktën 7 miliardë franga zvicerane deri në vitin 2030.
“Qeveria zvicerane po zbaton planin e mbrojtjes”, tha ministrja e Mbrojtjes, Viola Amherd.
“Në funksion të gjendjes së sigurisë boshllëqet ekzistuese të aftësive në ushtri duhet të mbyllen më shpejt sesa ishte planifikuar”, tha ajo.
Sipas Amherd, kjo përfshinte modernizimin e zbulimit dhe forcave tokësore.
Rritja e shpenzimeve të mbrojtjes u miratua nga Këshilli Kombëtar dhe Dhoma e Ulët në muajin maj.