Këshilltari ekonomik në Ambasadën e Federatës Ruse në Maqedoni, Vlladimir Hrisanfov, tha se në fillim të vjeshtës ata i ofruan qeverisë së Maqedonisë të vendosë kontakte me fondin rus për investime të drejtpërdrejta dhe të negociojë mundësinë e blerjes së vaksinës ruse.
“Ministri i Shëndetësisë Venko Filipçe na informoi se personi kontaktues për këtë çështje do të jetë profesoresha Aleksandra Grozdanova, shef i Komitetit Kombëtar të Imunizimit në Ministrinë e Shëndetësisë. Profesoreshës Grozdanova iu dhanë të gjitha informacionet e nevojshme të kontaktit. Një letër u dërgua gjithashtu nga përfaqësuesi i Fondit rus të investimeve direkte, i cili fatkeqësisht mbeti pa përgjigje. Sa i përket kohës së dorëzimit, kjo do të varet drejtpërdrejt nga kur do të dorëzohet kërkesa dhe rezultatet e negociatave në këtë kontekst”, tha Hrisanfov për “Sitel”.
I pyetur se cilat vende e kanë porositur deri më tani, Hrisanfov theksoi se më shumë se 50 vende kanë dërguar kërkesa për furnizimin e mbi 1.2 miliardë dozave të Sputnik V./Telegrafi/
Ambasada e Rusisë: I kemi ofruar Qeverisë së Maqedonisë që të blejë vaksinën ruse kundër coronavirusit shkruan Telegrafi.