Autoritetet greke kërkojnë që emri i ri i Maqedonisë së Veriut të përdoret në të gjitha institucionet si dhe në ueb-faqet në internet.
Këtë e theksoi ministri i Punëve të Jashtme nga Greqia, Nikos Dendias në konferencën e përbashkët me ministrin e MPJ-së, Bujar Osmani. Dendias tha se pas hyrjes në fuqi të Marrëveshjes së Prespës janë bërë shumë punë në ndryshimin e emrit, por duhet përparim i mëtejshëm. Ai përmendi edhe heqjen e programit për antikitetin dhe heqjen e flamurit të Verginas si dhe riemërimi i rrugëve dhe objektet tjera infrastrukturore.
Sipas Dendias, Greqia mund të jetë aleati më i madh dhe miku më i mirë i Maqedonisë.
Ndryshe, Marrëveshja e Prespës u nënshkrua më 17 qershor në vitin 2018./Telegrafi/
Greqia kërkon që emri i Maqedonisë së Veriut të përdoret nga të gjitha ueb-faqet e internetit shkruan Telegrafi.