Nga nesër jo vetëm në tarraca kafenetë dhe restorantet do të mund t’i shërbejnë klientët edhe në hapësirat e mbyllëta të tyre.
Pasi Qeveria miratoi një vendim të tillë, dje u publikua në Gazetën Zyrtare edhe protokollet për punën e kafeterive, si dhe atyre që punojnë në restorante, gjegjësisht në objektet ku shërbehet ushqim.
Këto rregullat për punë do të vlejnë edhe për pjesët e mbyllura dhe të hapura të lokaleve.
Punëtorët do të jenë të obliguar që të mbajnë maska mbrojtëse dhe të mbajnë higjienë në duar. Do të jetë i kufizuar numri i klientëve në lokale. Nuk do të lejohet shërbimi i klientëve në banakë.
Ruajtja e distancës mbetet e njëjtë, domethënë në hapësirën për të shërbyer mysafirët, ku vendosen tavolina, distanca duhet të jetë 1.5 deri në dy metra nga karrige në karrige./Telegrafi/
Maqedoni: Nga nesër kafenetë dhe restorantet do të mund t’i shërbejnë klientët edhe në hapësira të mbyllura shkruan Telegrafi.