Problemi me punimet për ujin e pijshëm në Bogovinë vazhdon dhe në vendin e ngjarjes gjatë ditës kanë qenë disa nivele të institucioneve për të gjetur një rrugë të përbashkët për zgjidhjen e problemit. Telegrafi Maqedoni ju sjell kronologjinë e ngjarjeve.
Në mesditë kryetari i Komunës së Bogovinës ishte ndaluar nga policia dhe nga Njësiti për Shpërndarje të Shpejtë (NJSHSH) që të shkojë në vendin ku eskavatorët kishin nisur punën me arsyetim se komuna nuk e posedon dokumentacionin e duhur.
Albon Xhemaili duke kërkuar të kalojë kordonin e NJSHSH
Më vonë policisë, NJSHSH-së, zyrtarëve të komunës dhe qytetarëve i’u bashkangjit edhe prokurorja kujdestare e Prokurorisë Themelore në Tetovë, Lejla Kadriu, duke ju dhënë urdhër policisë që të mos pengojnë punën e eskavatorëve për ujësjellësin e Bogovinës.
Edhe pse ajo personalisht ju dha urdhër që të tërhiqen, policia nuk e bëri një gjë të tillë pasi kërkonin mandat dhe shkresë zyrtare.
Qytetarët, kryetari i komunës, policia dhe prokurorja Kadriu qëndruan në mal.
Edhe pas disa orëve, situata ngeli e njejtë. Rreth orës 22:00 zëdhënësi i SPB Tetovë, Fatmir Rexhepi njoftoi tërheqjen e forcave të rendit nga vendi ku duhet të ndërtohet ujësjellsi.
Në mes tjerash, Kadriu tha se ka biseduar me kryeministrin teknik, Spasovski për të kërkuar arsyetim se pse nuk hiqet policia.
Ajo tha se Spasovski i ka quajtur kriminelë atë dhe organizatorët e protestës.
Mbetet të shihet gjatë ditës së nesërme, e enjte 30 korrik, se si do të rrjedhin ngjarejt rreth këtij problemi. /Telegrafi/
Problemi me ujin e Bogovinës, flasin palët shkruan Telegrafi.