Iniciativa qytetare “Ta shpëtojmë Kodrën e Diellit” i ka ftuar partitë politike që të nënshkruajnë një deklaratë që ka të bëjë me zhvillimin e qendrës rekreative Kodra e Diellit, që ndodhet në afërsi të Tetovës.
Nga kjo iniciativë thonë se ky dokument është shpresë dhe provë për atë që zotohen partitë politike, në lidhje me Kodrën e Diellit, njofton Telegrafi Maqedoni.
Dokumentin e kësaj iniciative e kanë nënshkruar: Koalicioni në mes Aleancës për Shqiptarët dhe Alternativës, BDI dhe PDSH, ndërsa është bojkotuar nga koalicioni LSDM-Lëvizja Besa dhe OBRM-PDUKM.
“Iniciativa Ta shpëtojmë Kodrën e Diellit lëshon këto kërkesa për ZOTIM:
Kërkesa bazë:
1. Marrja e kompetencave nga Elem Turs dhe kompetencat ti kalojnë Komunës së Tetovës
Kërkesat afatshkurte
1. Analizë e menaxhimit joprofesional dhe joefektiv të deritanishëm me Kodrën e Diellit
2. Investime në infrastrukturën rrugore, qendrën rekreative dhe lagjen e vilave.
3. Menjanimi i ndërtimeve pa leje dhe sjellja e Planit Detal Urbanistik
Kërkesat afatgjate:
1. Hapja e mundësive për dhënien e Qendrës Turistike investitorëve privat,
2. Ndërtimi i teleferikut Tetovë – Kodra e Diellit,
3. Instalimi i sistemit për borë artificiale,
4. Zgjerimi i Qendrës drejt tereneve Veri – drejt Jellakut, si dhe në drejtim të pjesës mbi bjeshkët e Bogovinës,
5. Përfshirja e Iniciativës “Ta Shpëtojmë Kodrën e Diellit” në secilin vendim që e përcakton fatin e Kodrës së DIELLIT”.
Tri parti politike nënshkruajnë dokumentin për zhvillimin e Kodrës së Diellit shkruan Telegrafi.