Korniza e bisedimeve nuk është përfunduar ende dhe nuk është një dokument publik, kështu që unë nuk mund të flas për atë që do të jetë brenda. Është e njëjta kornizë bisedimesh me një strukturë të ngjashme me vendet e tjera të rajonit, me nevojën për të integruar metodologjinë e re të miratuar së fundmi nga Këshilli Evropian, tha ambasadori i BE-së, Samuel Zhbogar.
Lidhur me Bullgarinë, Zhbogar theksoi se marrëdhëniet e fqinjësisë së mirë janë një element i rëndësishëm i procesit të zgjerimit, përcjell Telegrafi Maqedoni.
“Kjo konfirmohet nga një pjesë e vendimit të Këshillit Evropian në mars. Nevoja për të vazhduar zbatimin e marrëveshjeve të arritura me fqinjët dhe zhvillimin e vazhdueshëm të marrëdhënieve të fqinjësisë së mirë sigurisht që do të adresohen në kornizën e bisedimeve”, tha Zhbogar.
Ai theksoi se Komisioneri i BE-së për Zgjerim, Oliver Varhley, kishte konfirmuar që korniza e bisedimeve do të shpallet në qershor dhe se beson se ende qëndron në këtë datë.
“Do të publikohet në qershor. Unë besoj se Komisioni Evropian do t’ua prezantojë ato vendeve anëtare shumë shpejt”, tha Zhbogar./Telegrafi/
Zhbogar: Marrëveshjet e nënshkruara me fqinjët do të adresohen në kornizën e bisedimeve të BE-së shkruan Telegrafi.