Mjeku Ilir Alimehmeti dhe analisti Plator Nesturi janë përplasur në studion e Quo Vadis, teksa flisnin për veprimet e mazhorancës dhe opozitës.
Alimehmeti, i cili është edhe anëtar i Këshillit Kombëtar të PD deklaroi se përveç opozitës apo institucioneve të drejtësisë, edhe qeveria që ka të gjitha pushtetet ka fajët e saj.
Por analisti ka qenë i mendimit që opozita duhet të veprojë për të kundërshtuar qeverinë.
Debati i plotë:
Alimehmeti-Opozita ka fajet e saj, SPAK ka të vetat etj. Po qeveria që i ka të gjitha pushtetet ndonjë faj e ka?
Nesturi-Ku fillon ndryshimi
Alimehmeti-Ai që kryen aktin, ka ndonjë faj apo ka faj vetëm ai që nuk e kundërshton aktin që kryen ky
Nesturi-Problemi i madh për mua është kjo gjë: Nëse nuk ka as trysninë më të vogël nga opozita. Ju po e bëni detyrën tuaj?
Alimehmeti-Pyetja ime është ai që bëri aktin, ai që vodhi lopën ka faj që vodhi lopën apo është vetëm faji i të zotit që nuk nuk e mbrojti lopën për t’ia vjedhur.
Nesturi-Pse e shikoni veten të shkëputur nga mazhoranca? Ju jeni pjesë e sistemit, pjesë e parlamentit, jeni pjesë e institucioneve
Alimehmeti-Ju po na thoni që ai që kreu aktin ka fajin e vet
Nesturi-Po padyshim more, për çfarë jeni atje ju
Alimehmeti-Ne jemi dakord që opozita duhet të bëjë punën e opozitës dhe qeveria duhet të bëjë punën e qeverisë
Nesturi-Pjesë e pushtetit është edhe opozita. Jeni bashkë. Ju jeni bashkëpunëtor në krim