Kryetari i Partisë Republikane, Fatmir Mediu mori pjesë në takimin e Forumit të Inteligjencës në Washington.
Takimi u organizua nga Kongresmeni Pittinger dhe Senatori Tom Tillis.
Në takimim e Asamblesë Parlamentare të NATOs, vëmendja kryesore ishte rreth zhvillimeve në Ukrainë, agresioni Rus dhe pasojat që po krijon në Europë e më gjërë.
Përfaqësues të lartë të Pentagonit dhe Departamentit të Shtetit, shprehën qartë mbështetjen e Amerikës dhe NATOs ndaj Ukrainës.
Asistent Sekretarja Donfried dhe drejtori i lartë i Pentagonit Ëinternitz, shprehën edhe njëherë qartë se jo vetëm Rusia, por edhe Kina, po kthehet në një kërcënim të ri.
Në komentin dhe pyetjet e tij z.Mediu, si pjesëtari i delegacionit të Parlamentit shqiptar, të drejtuar nga znj Kodheli, theksoi se; vakumi i krijuar në Ballkan, ka krijuar mundësi për prezencë dhe influencë Ruse, por edhe Kineze, nëpërmjet iniciativës Road and Blet dhe 17+1.
Në këtë takim po ashtu u trajtuan qartësisht sfidat e sigurisë nga Rusia, Kina, Irani dhe të tjerë.
Ish këshilltari për sigurinë John Bolton, në përgjigje të pyetjes së z.Mediu, se ç’duhet të bëjë NATO dhe SHBA në lidhje me sulmet kibernetike të Iranit mbi Shqipërinë, theksoi se; ka ardhur koha për shkak se sulmet kibernetike janë tashmë të mirfillta të karakterit të sigurisë dhe sovranitetit, në kuadër të artikullit 5 të NATOs, për mbrojtjen kolektive, të përcaktohet me qartë se kush quhet akt lufte.
Senatori Tillis vlerësoi qëndrimin e Shqipërisë ndaj Iranit dhe njëkohësisht deklaroi mbështetjen e Senatit ndaj Shqipërisë në këtë përballje.
Në diskutim me Senatorin Tillis, Senatorin, Inhofe, Cornyn, shefat e stafit të Senatorit Rubio dhe Menendez, si dhe në bashkëpunim të ngushtë me Kongresmenët Sessions dhe Aderholt, u ra dakort që rreth fundit të Janarit, në bashkëpunim me z.Mediu, të organizojnë një forum sigurie, me pjesmarrje të deputetëve nga Europa Juglindore për influencat e Rusisë dhe Kinës, por njëkohësisht dhe sfidat për luftën ndaj krimit të organizuar dhe korrupsionit në rajonin e Ballkanit.