Dy turistë të cilët udhëtonin nga Tirana në drejtim të Klosit janë aksidentuar në fshatin Xibër – Hane.
Mjeti me të cilin ata udhëtonin doli nga rruga dhe përfundoi rreth 30 metra në humnerë. Për pasojë mbetën të lënduar drejtuesi i mjetit shtetas shqiptar dhe një turist polak.
Kanë qenë banorët e zonës të cilët iu kanë dhënë ndihmën e parë dy personave që ndodheshin në makinë.
Ata janë transportuar me një mjet autoambulancë e cila i shoqëronte gjatë udhëtimit.
Të lënduarit janë dërguar për mjekim në spitalin e Traumës në Tiranë dhe janë jashtë rrezikut për jetën pasi kanë pësuar pak lëndime nga rrokullisja e mjetit.
Mësohet se në këtë itinerar ka qenë një numër i madh automjetesh dhe motomjetesh të cilët garonin në terrene të vështira malore.
Policia e Matit ka mbërritur në vendin e ngjarjes dhe po kryen veprimet e nevojshme për të zbardhur shkaqet e vërteta të aksidentit.
Paraprakisht dyshohet se mjeti ka dalë nga rruga si pasojë e humbjes së kontrollit nga drejtuesi.