Kreu i Partisë Agrare Ambientaliste, Agron Duka ka treguar qendrimin e partisë së tij për zgjedhjet e 6 marsit.
Në një lidhje me Skype në Vizion Plus, Duka theksoi s ekanë zgjedhur të mbështesin kandidatin si individ dhe jo grupimin në të cilin bën pjesë.
“Kemi zgjedhur të mbështesim kanidatin si individin dhe jo grupimin në të cilin bën pjesë. Në bashki të ndryshme mund të ketë kandidatë me peshë të ndryshme. Do zgjedhim kandidatin që është më i pëlqyer nga qytetarët, s’ka rëndësi është i Bashës apo i Berishës”, tha Duka.
Ai theksoi se në Durrës do preferojnë atë kandidat që do tentojë të fitojë bashkinë.
“Në këto kushte ne do shohim një kandidat preferencial atë që mendojme se është më i preferuar për qytetarët. Do shohim nëse ka ndonje premisë që ndonjë kandaditat të mund të premtojë më shumë dhe ne ta mbështesim në mënyrë që ato vota që kemi t’ja japim atij”, tha Duka.