Këngëtarja Anxhela Peristeri, që përfaqësoi Shqipërinë në Eurovizion, reagoi për herë të parë pas shfaqjes finale të shtunën.
Trofeu shkoi për rrokerët italianë, por Anxhela u shpreh se ajo fitoi dashurinë e qytetarëve.
Ajo i garantoi mbështetësit se rezultati i votimit nuk e ka mërzitur sepse i di shumë mirë vlerat që ka.
“Ju falënderoj nga thellësia e zemrës për çdo mesazh që më keni dërguar dhe për çdo cent që keni harxhuar për të votuar Shqipërinë në Eurovizion! Ju jam shumë mirënjohëse dhe sinqerisht është ndjesia më e bukur që kam përjetuar gjatë gjithë karrierës sime! Ishte një super eksperiencë që do e ribëja padiskutim shuuumëëë herë dhe do më mungojë shumë kjo ndjesi dhe ajo skenë! Ju dua shumë!
Për të gjithë ju që më shkruani të mos mërzitem se është çdo gjë politike, ju siguroj që nuk jam mërzitur fare! E shijova shumë natën e mbrëmshme dhe rezultati nuk është se më ndikoi. Unë e di se kush jam, me çfarë po paraqitem dhe çfarë meritoj dhe atë që më shumë doja, e mora pa kursim! Dashurinë tuaj Ju falënderoj që ishit krenarë për mua ”
