Gjykata e Posaçme e Apelit për Korrupsionin dhe Krimin e Organizuar, la në masë sigurie “arrest me burg” Vangjush Dakon, ish-kreun e bashkisë Durrës.
Dako kishte ankimuar vendimin e shkallës së parë në GJKKO, mirëpo edhe Apeli nuk ka bërë asnjë ndryshim duke lënë në qeli, ish-numrin një të bashkisë së qytetit bregdetar.
Madje Apeli nuk ka ndryshuar asnjë vendim edhe për personat e tjerë të arrestuar për të njëjtën cështje, ish-zyrtare të bashkisë Durrës.
Vangjush Dako dhe ish-zyrtaret e larte te kesaj bashkie akuzohen per shperdorim detyre dhe falsifikim dokumentash.
Gjykata e Posaçme e Apelit për Korrupsionin dhe Krimin e Organizuar, me trup gjykues monokratik të përbërë nga gjyqtare Daniela Shirka, sot më 18.07.2023, zhvilloi seancë gjyqësore për çështjen penale nr. 31 akti, datë 10.07.2023 regjistrimi, regjistruar mbi ankimet e personave nën hetim V.D., F.E., M.S.(P.), F.H., F.F., A.B., ndaj vendimeve nr. 57, datë 06.06.2023 dhe nr. 61, datë 08.06.2023 (mbi caktimin e masave të sigurimit personal) të Gjykatës së Posaçme të Shkallës së Parë për Korrupsionin dhe Krimin e Organizuar, dhe vendosi:
Advertisementgoogle_ad_client = "ca-pub-9470492314070355"; google_ad_slot = "5632655076"; google_ad_width = 300; google_ad_height = 250; google_page_url ="http://www.zhaku.net/";– Miratimin e vendimit nr. 57 akti, datë 06.06.2023 dhe vendimit nr. 61 akti, datë 08.06.2023 të Gjykatës së Posaçme të Shkallës së Parë për Korrupsionin dhe Krimin e Organizuar për personin nën hetim V.D.
– Miratimin e vendimit nr. 57 akti, datë 06.06.2023 të Gjykatës së Posaçme të Shkallës së Parë për Korrupsionin dhe Krimin e Organizuar për personat nën hetim F.E. dhe F.H.
– Miratimin e vendimit nr. 61 akti, datë 08.06.2023 të Gjykatës së Posaçme të Shkallës së Parë për Korrupsionin dhe Krimin e Organizuar për personat nën hetim M.S.(P.), F.F. dhe A.B.