Kjo është logoja e re e “Teatrit të Operas dhe Baletit”, e cila është publikuar në faqen zyrtare të institucionit dhe që ka kushtuar 1,845,000 lekë.
Artistët e “Tetarit të Operas dhe Baletit” dhe artistë të artit pamorë kanë denoncuar se logoja e një prej institucioneve më të rëndësishme të artit dhe kulturës, nuk është gjë tjetër veçse një plagjiaturë, e ngjashme me disa logo te tjera që kushtojnë vetëm 10 dollarë në një faqe e cila dizenjon logo.
Në profilet e tyre në rrjetet sociale, Nikolin Gurakuqi, Armaldo Kllogjeri, Ardian Isufi dhe të tjerë kanë reaguar ndaj kësaj ngjarje e cila vazhdon të mbetet pa të dhënat kyçe.
Institucioni nuk i është përgjigjur asnjërës prej pyetjeve se kush është fituesi, juria që e përzgjodhi dhe kriteret përse kjo punë rezultoi më e mira.
Nga ana tjetër, ministria e Kulturës Elva Margariti, pohoi se për këtë çështje do të ngrejë një grup verifikimi.
Afati i fundit i dorëzimit për garuesit ishte data 24 shkurt e 2020-ës.