Lulzim Basha ka mbledhur sot Kuvendin Kombëtar, ku do të përcaktohet rruga ku do të ecë partia demokratike në 4 vitet e ardhshme.
Momenti me i rëndësishëm i këtij kuvendi është fjala e Bashës dhe mesazhet, që ai do tu përcjellë mbështetësve të tij sot, kur partia demokratike është në momentin më të vështirë, pasi është e përçarë në 3 grupime.
Kuvendi do të miratojë statutin e ri të partisë demokratike.
Në këtë dokument bie në sy se forcohet roli i kryetarit të partisë dhe Lulzim Basha do të marrë edhe drejtimin e grupit parlamentar, post i cili mbahet nga kritiku i tij Gazment Bardhi.
Gjithashtu në statut bie në sy se nuk ka asnjë detyrim që kryetari të japë dorëheqjen në rast se humb zgjedhjet. Krahas statutit Kuvendi do të miratojë sot edhe anëtarët e këshillit kombëtar, duke i krijuar mundësinë Bashës të zgjedhë ekipin e ri me të cilin do të drejtojë partinë demokratike.