Kreu i PD, Sali Berisha tashmë prej disa javës është bërë pjesë e aplikacionit ‘Tik Tok”.
Të shtunën, kryedemokrati zhvilloi një bisedë ‘live’ me ndjekësit e tij ndërsa duket se audienca ka qenë e lartë.
Berisha publikuar shifrat ditën e sotme dhe ka përshëndetur dashamirësit e tij.
“Një përshendetje të përzemërt miqve të mi në TikTok. Dje ishte një ditë rekordi për ta. Gjatë bisedimit live dje ata me 286,600 likes, 61 900 shikues dhe rreth 3000 shpërndarje shënuan një rekord të ri në ndjekjen në afatin kohor prej 1 ore. Sb”- shkruan Berisha.
Edhe pse “Tik tok” përdoret zakonisht nga të rinjtë, pjesë e aplikacionit janë bërë pothuajse të gjithë politikanët që janë aktivë në shqipëri.
Rekordin për numrin e ndjekësve e mban kryemistri Rama i cili është nga të parët që i është bashkuar rrjetit, ndërsa për sa i përket komunikimeve ‘Live’, në krye ndodhet Berisha.