Ish kryeministri Sali Berisha, ka reaguar në lidhje me legalizimin e kanabisit.
Berisha, me anë të postimi në rrjetin social Facebook, e ka quajtur një akt të tillë, goditjen më të rëndë kundër shëndetit, identitetit dhe të ardhmes së shqiptarëve.
“Arriti! Ediskobari apo Noriega i Shqipërisë do kurorëzohet Mbreti i Kanabistanit.
Kjo është goditja më e rëndë e qenies, shëndetit fizik dhe mendor, identitetit, reputacionit dhe të ardhmes së shqiptarëve dhe Shqipërisë.
Me këtë akt Shqipëria, e shpallur këto vitet e fundit Kolumbi e Europes apo Kanabistan, shndërrohet në eksportues kryesor krimi dhe bëhet një vend që kërcënon kështu sigurinë e vendeve të rajonit dhe më gjerë.
U bëj thirrje shqiptarëve dhe komunitetit ndërkombëtar të kundërshtojnë këtë kurorëzim, në mbrojtje të interesave jetike të tyre”, ka shkruar Berisha.