Bashkia e Bulqizës ka lajmëruar dy netë festive për të argëtuar qytetarët e saj.
Festa ka nisur që mbrëmjen e kësaj të hëne me fëmijët e qendrës kulturore, Dj e këngëtarë të ftuar. Si vend për zhvillimin e këtyre tre ditëve festive është caktuar parku përballë ish komitetit. Besimtarë musliman dhe qytetarë të tjerë kanë ngritur shqetësimin e një “incidenti” në vendosjen e pikave për shitjen e alkoolit.
Në vendin ku po zhvillohet festa ndodhet edhe një objekt kulti, xhami, ku besimtarët musliman kryejnë ritet fetare.
Mund të jetë gabim trashanik i organizatorëve apo operatorit pjesmarrës, por për besimtarët musliman që falen edhe në kohën e festës, është e papranueshme që në hyrje të xhamisë të vendoset kioskë që shet birrë për pjesmarrësit në festë, kur dihet se alkooli është i ndaluar në fenë islame.
Besimtarët dhe qytetarët e kanë quajtur të papranueshme këtë, duke ngritur shqetësimin se një veprim i tillë organizatorëve me apo padashje, nuk duhet të kishte ndodhur.