Gjykata e Posaçme ka lënë në burg Gentian Malindin, i cili u kap para dy ditësh, i akuzuar për trafikun e 137 kg kokainë në Portin e Durrësit. Avokati i të arrestuarit, njëkohësisht dhe babai i tij, u shpreh se këto akuza janë politike të orkestruara nga SPAK-u dhe qeveria.
ILIR MALINDI
Advertisementgoogle_ad_client = "ca-pub-9470492314070355"; google_ad_slot = "5632655076"; google_ad_width = 300; google_ad_height = 250; google_page_url ="http://www.zhaku.net/";AVOKAT
Prokurori kërkoi të vazhdojë masa e sigurisë kurse Gjykata e la në vend. Por duhet të keni parasysh që në datën 4 fillon seanca e rregullt, i gjithë ky skenar është skenar politik. Për arsye se unë shpesh herë e kam kritikuar Kryeministrin Z.Edi Rama. Ai nëpërmjet ish-drejtorit të përgjithshëm Ardi Veliu u hakmorr jo kundër meje sesa kundër djalit tim. Nuk ekziston absolutisht as edhe një provë, dhe kur them asnjë prove, e them me përgjegjësi penale. Është një inskenim total i Prokurorisë, e SPAK-ut këtu e cila është pjesë e vetë politikës shqiptare që drejton sot.
Në momentin e arrestimit, Malindi i dha efektivëve mjete identifikimi me një emër tjetër. Por babai i tij hedh poshtë akuzat se këto dokumente ishin të falsifikuara.
“Po në Shqipëri ka qendruar. Dokumentat nuk janë të falsifikuara. Janë të rregullta, se si janë nxjerrë është procedurë tjetër. E di më mirë Edi Rama se çfarë bëjnë shërbimet informative.”
Gentian Malindi u arrestua në Vorë. Prej 3 vitesh ai ishte në kërkim nga policia në lidhje me 137 kg kokainë të kapura në Portin e Durrësit në vitin 2019. Më herët GJKKO dënoi Altin Myslihakën dhe Ardian Begën me 10 e 8 vite burg. Kokaina ishte pikasur në Pire të Greqisë ku autoritetet e kishin zëvëndësuar drogën me oriz dhe përmes pajisjeve të përgjimit identifikuan destinacionin final në Durrës.