Ditën e sotme në GJKKO u zhvillua seanca për ish-ministrin Fatmir Mediu, i cili po hetohet për çështjen “Gërdeci”. Në seancën e sotme dëshmomoi edhe Dritan Minxolli, ish-drejtori i punishtes së demontimit në Gërdec.
Ai u thirr si dëshmitar, por duke qenë i bashkëpandehur ka të drejtë të mos dëshmojë. Ndërkohë SHBA ka kthyer përgjigje për fletëporosinë e dërguar nga autoritetet shqiptare. Autoritetet amerikane të drejtësisë kërkojnë pyetje shtesë për shtetasit amerikanë që SPAK ka pyetur. Po ashtu mësohet se autoritetet kërkojnë informacion për statusin penal për 5 shtetasit amerikanë që priten të merren në pyetje.
Nga tragjedia e Gërdecit, që ndodhi në 15 mars të 2008-ës, humbën jetën 26 persona dhe u plagosën qindra të tjerë.
Në daljet e tij publike Mediu se nuk ka shkelur detyrën dhe ka respektuar të gjitha procedurat gjatë kohës që ka qenë ministër i Mbrojtjes. /vizionplus.tv