Detaje të reja janë zbardhur nga plagosja në Shkodër.
Gentian Mithi 46-vjeç është autori i plagosjes së 24-vjeçarit Jaser Osmani.
Ky i fundit ka marrë një plagë në këmbë dhe ndodhet në spital jashtë rrezikut për jetën.
Ndërkohë që policia po vijon punën për kapjen e Gentian Mithit.
“Policia identifikon dhe vijon punën për kapjen e autorit të plagosjes së 24-vjeçarit.
Falë veprimeve të shpejta në vendngjarje, grupi hetimor ka identifikuar autorin e dyshuar, shtetasin G. M., 46 vjeç, banues në Shkodër.
Nga hetimet paraprake dyshohet se shtetasi G. M., pas një konflikti të çastit me shtetasin J. O., e ka plagosur atë me armë zjarri pistoletë dhe është larguar menjëherë nga vendi i ngjarjes.
Shërbimet e Policisë vijojnë kontrollet për kapjen e 46-vjeçarit”, njofton policia./vizionplus.tv