Ka folur para policisë burri i gruas që i dha fund jetës duke u vetëvarur në Kamzë.
56-vjeçari tentoi të fshehë ngjarjes duke lajmëruar familjarët e gruas se ajo kishte dnërruar jetë për shkaqe natyrale por pas dyshimeve të tyre policia zbardhi ngjarjen e plotë dhe vuri në pranga burrin.
Gjatë ditës së sotme ai ka deklaruar se kishte frikë nga familjarët e bashkëshortes të tregonte të vërtetën.
56-vjeçari ka thënë se prej kohësh familjarët e saj e kanë akuzuar për dhunën që ushtronte ndaj gruas dhe se herë pas here e kishin paralajmëruar se do ta denonconin.
Bëhet me dije se çifti ka pasur konflikte të shumta prej shumë vitesh, ndërsa bashkëshorti ka ushtruar dhunë sistematike ndaj saj.
Në javët e fundit mësohet se ajo ishte larguar nga banesa dhe kishte jetuar tek e motra. Në banesën e burrit ishte kthyer një ditë para se të merrte vendimin për t’u vetëflijuar. Për shkak të dhunës dhe konflikteve dyshohet se gruaja shkoi drejt vetëvarjes,