Kreu i PBDNJ, Vangjel Dule ka përshëndetur fitoren e Fredi Belerit në Himarë.
Në një deklaratë për mediat ai thekson se ndonëse kandidatit të opozitës iu bë një padrejtësi ekstreme, sërish triumfuam.
Ai shton se përballë nuk kishin kandidatin e kundërshtarit, Jorgo Goron, por të gjithë qeverinë.
“Dua të përsëris se e ndjej për detyrim që t’ju falënderoj për rolin tuaj që e kërkova që në momentin e parë, ishte përcaktues për të vërtetën. Nuk ishte thjesht një fitore, por një triumf për Fredi Belerin. Një padrejtësi ekstreme, më akuzonin se u braktisa në Himarë, ja rezultati, është një mësim i madh, duhet të jemi realist, është një mësim i madh kjo që po ndodh sot në Himarë, se nuk kishim përballë një forcë politike, një kandidat rival, kishte kryeministrin, qeverinë, strukturat shtetërore, gjithsesi fjala e fundit u takon qytetarëve. Fredi Beleri do jetë një shembull për bashkitë në vend, dhe kjo bashki do kthehet në një Bashki model”, tha Dule.
Dy kutitë e fundit ishin vendimtare në vulosjen e këtij rezultati, pasi deri diferenca ndonëse e vogël ishte në favor të Jorgo Goros. Ky i fundit siguroi 3818 vota krahas 3837 të Fredi Belerit.
Beleri ndodhet në burg nën akuzë për blerje votash.