Fluks i madh me turistë, vizitorë e emigrantë në hyrje, në pikat e kalimit kufitar në Rinas dhe Kakavije.
Nëpërmjet aeroportit të Rinasit, gjatë orëve të para të mëngjesit e deri tani kanë hyrë 23.000 shtetas shqiptarë dhe të huaj.
Në Rinas punohet me sportele të shtuara dhe nuk ka probleme deri në këto momente.
Policia Kufitare ka marrë të gjitha masat për të eleminuar vonesat, duke shtuar në maksimum sportelet në hyrje.
Fluks i madh edhe në Kakavije, ku gjatë orëve të paraditës së sotme, kanë hyrë rreth 6000 shtetas shqiptarë dhe të huaj.
Policia Kufitare e Kakavijes ka koordinuar veprimet me palën greke, e cila ka shtuar gjithashtu sportelet.
Aktualisht në Kakavijë, nga pala greke punohet me 4 sportele dhe ka një numër shumë të vogël automjetesh që janë në pritje për përpunim.
Policia Kufitare në të gjitha pikat e kalimit në hyrje dhe në dalje, ka marrë masa duke shtuar sportelet në maksimum, si dhe vijon bashkëpunimi me homologët që lëvizja të jetë e njëtrajtshme si në hyrje, ashtu edhe në dalje, në të gjitha pikat e kalimit kufitar