Fotot e një kamioni të mbushur me mish, të publikuara si denoncim nga qytetaret e Lezhës janë vërtet shokuese.
Behet fjalë për një ngarkesë të madhe me mish e vendosur në kamion jashtë çdo lloj kushti të higjenës dhe të sigurisë ushqimore, pamje që qytetarët thonë se i kanë fotografuar mesditën e kësaj të premte në qytetin e Lezhës.
Sipas denoncimit të qytetarëve mishi do të transportohej për përpunim drejt një biznesi privat e më pas do të shpërndahej për konsumim tek qytetarët.
Informacion që gjjthsesi ka nevojë të verifikohet ndonëse autoritetet deri më tani nuk e kanë bërë një gjë të tillë.
Mungon gjithashtu informacioni se kush e ka në posedim ngarkesën e mishit dhe ku do të dërgohej.
E përsa kohë askush nuk ka reaguar për të treguar nëse do përpunohej apo do asgjesohej, shqetësimi në bazë të fotos së publikuar mbetet i madh, e po kaq reale është pyetja që ngrihet: Çfarë po hamë?