Blejdi Axha 25-vjeç është arrestuar nga policia në Shijak, pasi ishte shpallur në kërkim.
Sipas bluve, i riu është dënuar me dy vite e dy muaj burgim, pasi në muajin janar të vitit 2022, nga verifikimet e kryera rezultoi se ky shtetas drejtonte automjetin, në efektin e lëndëve narkotike. Gjithashtu, atij iu gjet 1 përforcues grushti.
Ai akuzohet për veprat penale “Drejtimi i automjeteve në mënyrë të parregullt”, “Prodhimi, mbajtja, blerja apo shitja pa leje e armëve të ftohta” dhe “Largimi i të burgosurit nga vendi i qëndrimit”.
“Në zbatim të planit të masave, të hartuar në kuadër të megaoperacionit mbarëkombëtar “Sundimi i ligjit”, për kapjen e shtetasve të shpallur në kërkim, si dhe bazuar në informacionet e siguruara nga inteligjenca policore, për vendndodhjen e një shtetasi të dënuar me burgim, për disa vepra penale, shërbimet e Komisariatit të Policisë Shijak kapën dhe vunë në pranga shtetasin Blejdi Axha, 25 vjeç.
Gjykata e Shkallës së Parë e Juridiksionit të Përgjithshëm Durrës e ka dënuar shtetasin Blejdi Axha, me 2 vjet dhe 2 muaj burgim, për veprat penale “Drejtimi i automjeteve në mënyrë të parregullt”, “Prodhimi, mbajtja, blerja apo shitja pa leje e armëve të ftohta” dhe “Largimi i të burgosurit nga vendi i qëndrimit”. Në janar të vitit 2022, nga verifikimet e kryera rezultoi se ky shtetas drejtonte automjetin, në efektin e lëndëve narkotike. Gjithashtu, atij iu gjet 1 përforcues grushti”, njofton policia.
Blejdi Axha iu dorëzua Drejtorisë së Përgjithshme të Burgjeve, për veprime të mëtejshme procedurale./vizionplus.tv