Ish-ministrja e Financave dhe Ekonomisë, njëherazi dhe deputete e Partisë Socialiste Anila Denaj u paraqit këtë premte në Prokuroninë Posaçme Antikorrupsion. Për rreth tre orë ajo ka dhënë dëshminë e saj si person në dijeni lidhur me koncesionin e sterilizmit të mjeteve shëndetësore.
Ky koncesion po hetohet nga SPAK, ndërsa Denaj pas përfundimit të dëshmisë para prokurorëve tha se ishte pyetur si ish-drejtore e Fondit të Sigurimit të Detyrueshëm të Kujdesit Shëndetësorë.
ANILA DENAJ
U pyeta si person në dijeni, si ish-drejtore e Fondit të Sigurimit të Detyrueshëm të Kujdesit Shëndetësorë.
Prej kohësh, SPAK ka nisur hetimet për kontratën me partneritet publikë privatë atë të sterilizimit të mjeteve shëndetësore. Pjesë e hetimeve është edhe ish-ministri i Shëndetësisë Ilir Beqja.
Koncesioni i sterilizimit të pajisjeve shëndetësore ka një rritje të ndjeshme të kostove nga viti në vit.
Pikëpyetjet lidhen me fryrjen e kostove për setet e pajisjeve që përdoren gjatë operacioneve po hetohen nga prokuroret. Barra e kësaj kontrate bie mbi buxhetin e shtetit dhe jo mbi koncesionarin.