Jemin Gjana ka deklaruar sot nga Kuvendi i PD se kanë shumicën dërrmuese të delegatëve.
Sipas Gjanës janë 5004 delegatë që kanë nënshkruar pjesëmarrjen në Kuvendin e 18 dhjetorit.
“Ne kemi shumicën dërrmuese të delegatëve. Kryesia e PD në mbledhjen e ditës së djeshme ka vendosur që në ndihmë për menaxhmin e punimeve të Kuvendit të krijojë një komision me të cilin janë ndjekur procedurat e regjistrimit te delegatëve dhe e gjithë vendimarrja që do të ndodhë në Kuvend. 5004 delegatë nuk janë numra, janë emra, firma, identitete dhe dinjitet i secilit. I këkroj strukturës së PD që nesër pasi të jenë hedhur në sistem 5004 emrat që kanë nëshkruar pjesëmarrjen të bëhen publike”, tha Gjana.
Kujtojmë se në Kuvendin e Berishës morën pjesë 4934 delegatë. Sipas shifrave të bëra publike nga Gjana, në Kuvendin e Bashës ka pasur një numër më ta madh delegatësh, edhe pse me nje diferencë të vogël.