Komisioni i Pavarur i Kualifikimit ka konfirmuar në detyrë prokuroren e Tiranës Deniona Katro.
Prokurorja Katro u përball të hënën më 10 tetor me trupën gjykuese të KPK, ndërsa nga hetimet iu gjet pamjaftueshmëri për blerjen e një automjeti me vlerë 256 mijë lekë. Për këtë, prokurorja dha shpjegimet e saj gjatë seancës dëgjimore. Ndërsa në dy kriteret e tjera, atë të pastërtisë së figurës dhe profesionalizmit nuk iu gjetën probleme.
Procesi i vetingut për prokuroren Deniona Katro u krye nga trupa e KPK e kryesuar nga Brunilda Bekteshi, me relator Roland Ilian dhe anëtare Pamela Qirkon. Në cilësinë e vëzhguesit ndërkombëtar ishte i pranishëm Ëillem Brouëer.
Deniona Katro e ka nisur karrierën në sistemin e drejtësisë në vitin 2001 si oficere e policisë gjyqësore. Në vitin 2008 ajo u emërua prokurore në Prokurorinë e Rrethit Durrës dhe prej vitit 2014 punon pranë Prokurorisë së Tiranës, ku ka mbajtur edhe pozicione drejtuese.