Agjentet e antidrogës kryen peshimin e plotë të kokainës së sekuestruar një ditë më parë në portin e Durrësit, nga ku rezultoi se ngarkesa totale e drogës ishte 324 kilogramë e 400 gramë.
Grupi hetimor nën drejtimin e Prokurorisë së Durrësit, po vijon sjhqyrtimin e provave në bashkëpunim edhe me autoritetet policore të Maqedonisë së Veriut për të zbardhur, identifikuar dhe për të kapur personat e tjerë të përfshirë në këtë veprimtari kriminale.
Një ditë më parë në Durrës, në kamionin me targa maqedonase, u gjetën të fshehura pakot e kokainës, gjatë kontrollit në vijën e dytë të portit.
Droga ishte e vendosur në disa kuti të markave të ndryshme, që përdoren për ambalazhimin e aksesorëve për shitje.
Ndërsa shoferi i kamionit, 40 vjeçari nga Maqedonia e Veriut, u arrestua në flagrancë në momentin e zbulimit të sasisë të lëndës narkotike. Ai është marrë në pyetje për të zbardhur destinacionin ë kokaionës me vlerë dhjetera milionë euro: nëse ishte për tregun shqiptarë apo atë të vendit fqinj.