Policia vijon kontrollet në kuadër të goditjes së kultivimit të lëndëve narkotike. Uniformat blu njoftojnë se janë asgjësuar 5241 bimë narkotike që u gjetën të kultivuara në Shkodër, në Krujë, në Lezhë dhe në Tropojë.
3155 bimë narkotike janë gjetur gjatë kontrollit të terrritorit të qarkut Shkodër.
2856 bimë janë gjetur në fshatrat Gjuraj, Kasnec, Brashtë, Nenmavriq, Lekaj, Nicaj, Ndërlysaj, Çilkok, Plan dhe Kir, të bashkisë Shkodër. 219 bimë janë gjetur në fshatrat Kroni i Madh dhe Qerret, të bashkisë Vau i Dejës, ndërsa 80 bimë janë gjetur në fshatin Armiraj të bashkisë Fushë Arrëz.
Në malësinë e Krujës janë gjetur dhe asgjësuar 1485 bimë narkotike.
Në qarkun Lezhë, janë asgjësuar në total 570 bimë kanabis.
220 bimë narkotike janë gjetur në fshatin Zhejë, ndërsa 82 bimë janë gjetur në fshatin Skuraj, të njësisë administrative Mamurras. 268 bimë narkotike janë gjetur në fshatin Gërnac të njësisë administrative Milot.
Në Tropojë, janë gjetur dhe asgjësuar 31 bimë narkotike.