Prodhimi i energjisë elektrike nëpërmjet një stacioni fotovoltaik, që shtrihet në një sipërfaqe prej 2 hektaresh, ka bërë që Ujësjellës Kanalizime Korçë të jetë i pari institucion i këtij lloji në Shqipëri, që arrin të mbulojë nevojat për energji të Impiantit të Trajtimit të Ujërave të Ndotura.
Një nismë e tillë e ndërmarrë prej disa vitesh dhe e suksesshme tashmë, bën që kostot e energjisë elektrike të jenë pothuajse zero për ndërmarrjen e Ujësjellës Kanalizimeve në qytetin juglindor.
Elja Pendavinji, drejtore tregtare në këtë institucion, tregon se prodhimi nga impianti mbulon të gjitha nevojat e kompanisë.
Qëllimi kryesor i stacionit fotovoltaik të ngritur me të ardhurat e vetë kësaj shoqërie rreth 7 vite më parë, ka qenë plotësimi i nevojave të tij për energji elektrike, ndërsa tashmë synohet zgjerimi edhe më tej i këtij stacioni në mënyrë që të përmbushen edhe kërkesat për energji elektrike të stacionit të pompave në Turan
Diversifikimi i burimeve të energjisë është tashmë në fokus për shkak të çmimeve të larta më të cilin po tregtohet energjia në tregjet ndërkombëmtare.