Kreu i Komanduar i PD, Enkelejd Alibeaj e ka cilësuar vendimin e KQZ për të lënë këtë forcë politike jashtë zgjedhjeve vendore, si vendim i ndikuar nga aktorë politikë. Ai akuzon, kryekomisionerin e KQZ se nuk mundet të ndajë tifozërinë personale nga faktet juridike.
“Vendimi i paralajmëruar i Komisionerit të Zgjedhjeve është qartas i ndikuar politikisht nga aktorët politikë të interesuar që PD të mos regjistrohet në procesin e zgjedhjeve vendore të 14 majit. Sikundër e deklaroi dhe publikisht, zoti Celibashi e ka të pamundur të ndajë opinionet dhe tifozerinë personale nga faktet juridike. Për pasojë, vendimi i tij e zgjat pa fund dhe pa arsye të qenësishme regjistrimin e PD. Dukshëm, e madje deri në kufijtë e groteskut, komisioneri nisur vetëm për shërbim politik ndaj kundërshtarëve të PD, vendos ta përjashtojë nga zgjedhjet”, shkruan ai.
Në të njëjtën kohë, kreu i komanduar i PD, shton se kjo forcë politike do të ndjekë çdo rrugë ligjore për të hyrë në zgjedhjet lokale.
“Siç ndodhte këtu e 32 vjet më parë, kur ishte partia në pushtet ajo që lejonte ne zgjedhje vetëm satelitët e saj. Kjo marrëzi politike, si 32 vjet më parë, i ndodh sot Shqipërisë kur është vend i NATO-s dhe synon të jetë anëtar i BE-së!
Megjithëkëtë e si përherë do të vijojmë rrugën ligjore për të finalizuar përfaqësimin e PD në 14 maj. Çdo artificë ligjore apo arsye e stisur politike dhe aspak ligjore është thjesht rruga e dëshpëruar që zgjatime të politikës së vjetër në institucione kushtetuese të pavarura kanë zgjedhur për të na penguar në rrugën tonë. Nuk do ia dalin”, përfundon Alibeaj.
Advertisementgoogle_ad_client = "ca-pub-9470492314070355"; google_ad_slot = "5632655076"; google_ad_width = 300; google_ad_height = 250; google_page_url ="http://www.zhaku.net/";
Partia Demokratike pritet të ankimojë në KAS vendimin e KQZ për lënien jashtë zgjedhjeve lokale të 14 majit. KQZ arsyetoi se PD nuk ka plotësuar dokumentet thelbësore për regjistrimin e këtij subjekti në zgjedhje.