Lejonte kalimin e personave të shpallur në kërkim, arrestohet polici në Portit të Durrës

Një inspektor i Portit të Durrësit është arrestuar nga Agjencia e Mbikëqyrjes Policore, pasi akuzohet për korrupsion dhe shpërdorim detyre.

Agjencia e Mbikëqyrjes Policore ka vënë në pranga një inspektor të Portit të Durrësit, i cili akuzohet për shpërdorim detyre dhe korrupsion. Në njoftimin zyrtar bëhet me dije se inspektori 57-vjeçar në këmbim të parave lejonte kalimin në doganë të personave që iu ishte ndaluar hyrja në zonën Shengen.

Në të njëjtën kohë dyshohet se 57-vjeçari lejonte kalimin e personave të shpallur në kërkim dhe mjeteve të pa doganuara.

“Nga hetimet e kryera, rezulton se punonjësi i policisë ndaj të cilit u ekzekutua masa e sigurimit, duke keqpërdorur atributet që i jep detyra, lejonte hyrje-dalje të shtetasve që kishin ndalesa për udhëtimin në zonën Shengen, në këmbim të vlerave monetare, të cilat varionin nga 50 deri në 100 euro.

 

Advertisement

google_ad_client = "ca-pub-9470492314070355"; google_ad_slot = "5632655076"; google_ad_width = 300; google_ad_height = 250; google_page_url ="http://www.zhaku.net/";

Këto ndërveprime korruptive të dokumentuara gjatë hetimeve, kryheshin në mënyrë të vazhdueshme dhe të përsëritur, përfshi edhe raste të lejimit të kalimit të shtetasve të shpallur në kërkim nga organet e drejtësisë, apo automjeteve, pa ju nënshtruar regjimit doganor”, thuhet në njoftim.

 

Gjithashtu, për shtetatasin E. S., 25 vjeç është caktuara masa e sigurimit personal “Detyrim paraqitje në policinë gjyqësore”, pasi akuzohet se ka ndërvepruar me kontrollorin e arrestuar.