Kryeministri Edi Rama ka reaguar pas vendimit të Këshillit të ministrave të Be për liberalizimin e vizave për Kosovën. Ai e quan këtë hap si të vonuar dhe shton se BE po heq nga vetja njollën e turpit të trajtimit të Kosovës si një vend joeuropian.
Shkrimin e tij e ka përfunduar me një urim për popullin e Kosovës dhe për vetë BE-në.
“Një hap i vonuar padrejtësisht me vite u hodh sot nga BE-ja, e cila më në fund po e heq nga vetja njollën e turpit të trajtimit të Kosovës si të ishte një vend jashtë Europës!
Urime jo vetëm Kosovës, po edhe Bashkimit Europian”, shkruan Rama.
Këshilli i Ministrave të Bashkimit Europian vendosi këtë të enjte liberalizimin e vizave për Kosovën. Ky vendim do të zbatohet që nga data 1 Janar 2024, që korrespondon me datën kur Sistemi Europian i Informacionit dhe Autorizimit të Udhëtimit (ETIAS) hyn në fuqi.