Kryetari i Grupit Parlamentar të Partisë Demokratike, Enkelejd Alibeaj, këtë të enjte mblodhi tryezën e diskutimit për ligjin e lustracionit. Në fjalën e tij, Alibeaj deklaroi se ky ligj në vendin tonë ka marrë si model Vetting-un e magjistratëve, të cilët pezullohen për 15 vite nga çdo funksion publik. Zyrtarët që do të vërtetohet se kanë bashkëpunuar me ish-Sigurimin e Shtetit duhet të pësojnë të njëjtin fat, sipas Alibeajt.
“Është një nga direktivat e Strasburgut. Ne kemi vendosur që duhet të ketë një pezullim për 15 vite që të mos jenë të angazhuar apo militues në shtetin shqiptar ata që kanë qenë punonjës të ish-sigurimit. Kemi marrë si model atë se çfarë është afati i ndalimit në rastin e vetingut të magjistratëve. Këto janë risitë e këtij ligji. Janë të gjithë argumentat që duhen plotësuar.
Advertisementgoogle_ad_client = "ca-pub-9470492314070355"; google_ad_slot = "5632655076"; google_ad_width = 300; google_ad_height = 250; google_page_url ="http://www.zhaku.net/";Duhet të jetë një projektligj që do të pranohet nga gjithë shoqëria shqiptare. Ky ligj e ka brenda edhe skepticizmin. Mendohet mos është ky ligj me një përdorim politik të momentit dhe pastaj harrohet si gjithë të tjerët? Ne jemi sy e veshë për të pasuruar dhe pranuar çdo propozim që të jetë i arsyeshëm dhe që ligji të jetë funksional”, është shprehur Alibeaj.
Ligji i Lustracionit ka ngjallur mjaft polemika në shoqërinë civile por edhe në Kuvend. Ky ligj cilësohet si vendimtar për “pastrimin” e politikës nga persona që kanë bashkëpunuar me ish-Sigurimin e Shtetit gjatë kohës së diktaturës.