Mbi 1 mijë raste në ditë/ Kosova shtrëngon masat, kërkon test në kufi

Shifrat e pandemisë në Kosovë ditët e fundit janë shqetësuese.

Teksa këtë të premte regjistroi mbi 1 mijë raste të reja dhe 3 viktima, Kosova ka vendosur të shtrëngojë masat.

Ministria e Jashtme në Shqipëri njoftoi se të gjithë shtetasit e huaj që udhëtojnë drejt Kosovës, që vijnë nga vende me rrezik të lartë, do të duhet të jenë të pajisur me një test PCR negativ, të bërë në 72 orët e fundit.

Kjo masë do të zbatohet edhe për ata me leje qëndrimi të përkohshëm ose të përhershëm.

“𝗡𝗴𝗮 𝗸𝘆 𝗿𝗿𝗲𝗴𝘂𝗹𝗹 𝗽𝗲̈𝗿𝗷𝗮𝘀𝗵𝘁𝗼𝗵𝗲𝗻:

–Qytetarët e huaj, të cilët hyjnë në Kosovë përmes aeroportit apo pikave kufitare, tokësore dhe largohen nga Kosova brenda 3 orësh, me kusht që në hyrje të nënshkruajnë deklaratën se do largohen nga Kosova brenda 3 orësh;

–Qytetarët e huaj, të cilët punojnë si transportues, me kusht që të respektojnë protokollin për transport ndërkombëtar për mbrojtje nga COVID-19;

–Qytetarët e huaj, të cilët kalojnë nëpër Kosovë përmes transportit të organizuar me autobus ose me linjë të rregullt ndërkombëtare, transit, me kusht që të nënshkruhet deklarata se do të largohen nga territori i Kosovës brenda 5 orësh;

Advertisement

google_ad_client = "ca-pub-9470492314070355"; google_ad_slot = "5632655076"; google_ad_width = 300; google_ad_height = 250; google_page_url ="http://www.zhaku.net/";

–Personat që kanë çertifikatën e vaksinimit të plotë kundër COVID-19;

–Personi me një rezultat pozitiv të testit të antitrupave serologjik –IgG, të lëshuar 30 ditë para mbërritjes;

–Fëmijët nën moshën njëmbëdhjetë vjeçare”, njoftoi Ministria e Jashtme.