Ish-presidenti Ilir Meta, aktuaisht drejtues i Partisë së Lirisë, është thirrur të dëshmojë në prokurorinë e posaçme kundër krimit dhe korrupsionit.
Para hyrjes në SPAK, Meta tha se po shkonte me kënaqësi për të folur me prokurorët.
ILIR META
KRYETAR I PL
“Po kam sjellë me dhjetëra denoncime këtu, me firmë, me vulë në SPAK, prandaj kam ardhur me shumë kënaqësi. I kam thirrur disa herë SPAK të veprojë kundër korrupsionit,” deklaroi Meta.
Advertisementgoogle_ad_client = "ca-pub-9470492314070355"; google_ad_slot = "5632655076"; google_ad_width = 300; google_ad_height = 250; google_page_url ="http://www.zhaku.net/";
Nuk dihet ende se për cfarë po merret në pyetje Meta, por burimet bëjnë të ditur se një nga cështjet për të cilat ai ka qenë I paditur është afera CEZ-DIA.
Kjo cështje është rihapur dhe dy prokurorë po hetojnë vjedhjen e parave publike, bazuar në dëshminë e Kastriot Ismailajt, I dënuar me burg për këtë cështje.
Një tjetër dosje për të cilën Meta po verifikohet nga SPAK është ajo e lobimit.
Bëhet fjalë për shpenzimin e 690 mijë dollarëve në Shtetet e Bashkuara te Amerikës, e që sipas ish-deputetit Halit Valteri, I cili bëri kallzimin ne SPAK, nuk janë deklaruar sipas ligjit.
Prokurorët po verifikojnë kontratat e lidhura në vitin 2017 nga Lëvizja Socialiste për integrim ndërsa dyshomet janë për falsifikim dokumentesh dhe korrupsion.
Por Meta është në dosjet e prokurorisë së posacme edhe për një cështje tjeterqë lidhet me vjedhjen e 280 kilogrameve florir në tunelet e Krrabës. Hetimi është hapur me urdhër të gjykatës pak muaj më parë.