Presidenti Ilir Meta, gjatë vizitës së tij në Maqedoninë e Veriut, është takuar me liderin e BDI, Ali Ahmeti.
Kreu i shtetit zbulon se ata shkëmbyen vlerësime të vlefshme për zhvillimet në të dyja vendet që lidhen me proceset integruese, por jo vetëm.
“I hapur dhe i përzemërt, si gjithmonë, takimi me liderin e Bashkimit Demokratik për Integrim, Ali Ahmeti. Shkëmbyem vlerësime të vlefshme për zhvillimet në vendet tona, me fokus përshpejtimin e proceseve integruese që mundësojnë çeljen sa më parë të negociatave të anëtarësimit me Bashkimin Europian. Vlerësuam së bashku se zbatimi i projektit madhor të Korridorit 8-të, do të lidhë më shumë vendet tona dhe do të jetë thelbësor për një të ardhme më të mirë të qytetarëve të Shqipërisë dhe Maqedonisë së Veriut”, shkruan Meta.