Kryetari i Grupit Parlamentar të PD, Gazment Bardhi ka reaguar ndaj ndryshimeve të kabinetit qeveritar. Bardhi i ka konsideruar këto lëvizje të kryesocialistit, Edi Rama, si makiazh për fytyrën e korrupsionin të qeverisjes së tij.
“Korrupsioni, i cili qendron në themelet e kësaj qeverie, do të vazhdojë të gërryejë mirëqenien në çdo familje shqiptare. Nuk ka pikën e rëndësisë se cilin ministër ndryshon Edi Rama. Është thjesht një makiazh për fytyrën e kalbur nga korrupsioni të kryeministrit”, shkruan Bardhi.
Në mbledhjen e Asamblesë Kombëtare të PS, Rama prezantoi shtatë ndryshime në ministri të ndryshme të vendit. Dy ndër lëvizjet më thelbësore janë ato që përfshijnë ministrinë për Europën dhe Punët e Jashtme, si dhe Ministrinë e Financave.