Prokuroria e Tiranës ka çuar për gjykim ish-zyrtaren e Ministrisë së Financave, Alda Klosin, nën akuzë për deklarim të rremë të parave dhe një apartamenti.
Ndaj Alda Klosit nisën hetimet pas denoncimit të bërë nga vetë ajo për vjedhjen e një shumë të konsiderueshme parash në ambientet e banesës së saj. Fillimish u mor nën hetim sanitarja e banesës së ish-zyrtares së Ministrisë së Financave, Rozeta Dobi dhe i biri Havier Dobi, për akuzat e vjedhjes me pasoja të rëndë, kryer në bashkëpunim.
Shuma e parave të pretenduara të vjedhura rezultoi shumë e madhe, gjë e cila i hapi probleme me drejtësinë Alda Klosit, duke mos mundur të justifikojë burimin e lifjshëm të të ardhurave që mbante në banesë.
Gjithashtu për Alda Klosin është çeluar një tjetë hetim i veçuar për hetim pasuror.