Një shqiptar i dënuar më parë për kultivim droge, është kapur sërish në një nga fermat e kanabisit në Angli.
Sipas medieve të huaja, Gjykata e Sheffieldit e ka dënuar sërish 29 vjeçarin Ruzhdi Raga, pasi u gjet duke kultivuar 224 bimë kanabisi me vlerën e 76 mijë paund.
I riu shqiptar kishte hyrë ilegalisht në Mbretërinë e Bashkuar dhe fillimisht kishte nisur të punonte si lavazhier, por më pas i kishte nisur kultivimin e drogës.
Ai ishte dënuar dy vite më parë nga gjykata angleze për të njëjtën akuzë, pasi ishte kapur në një fermë kanabisi në Hartlepool.
Asokohe shqiptari ishte justifikuar se i duhej të shlyente një borxh prej 21 mijë paundësh që kishte marrë për të mbërritur në Britani dhe prandaj i ishte futur kultivimit të kanabisit por ishte betuar para gjykatës, duke thënë se “nuk kam prekur kurrë drogë në jetën time”.