Partia Demokratike ka çelur sot fushatën elektorale për betejën e 14 majit.
Kryetari i PD, Sali Berisha, ka takuar kandidatët e opozitës që u përzgjodhën nga vota e demokratëve, duke u kërkuar të nisin punën për hartimin e programit për secilën bashki dhe të ngrenë shtabet elektorale.
SALI BERISHA
KRYETAR I PD
“Ju kaluat një garë, një betejë për të hyrë në luftë. Një luftë elektorale. Në një betejë elektorale, me qëllimin më madhor, për t’ia rikthyer bashkitë qytetarëve shqiptarë.”
Advertisementgoogle_ad_client = "ca-pub-9470492314070355"; google_ad_slot = "5632655076"; google_ad_width = 300; google_ad_height = 250; google_page_url ="http://www.zhaku.net/";
Shtylla kryesore e fushatës së Partisë Demokratike për zgjedhjet lokale do të jetë çështja e korrupsionit në pushtetin qendror dhe atë lokal.
“Bashkitë po presin me padurim çlirimin nga kjo farë hajdutësh që nuk i ka parë toka.”
Premtimi kryesor i kandidatëve të opozitës në 14 maj do të jenë taksat e ulëta dhe beteja kundër korrupsionit.
“Ju shkoni me besimin dhe programin e një force konservatore, e cila beson te taksat e ulëta. Sepse kjo forcë beson se më mirë paratë të jenë në xhepat e qytetarëve se të administratës. Atë buxhet që do krijoni, do e ktheni fund e krye në funksion dhe shërbim të qytetarëve tuaj.”
Beteja më e rëndësishme për opozitën do të jetë ajo për bashkinë e kryeqytetit dhe Berisha ka shfrytëzuar çështjen e inceneratoreve për të akuzuar për korrupsion kryetarin e bashkisë që kërkon një mandat të tretë Erjon Veliajn.
“Për sipërmarrjen e tij private që ka me Edi Ramën, Arben Ahmetajn dhe Engjëll Agaçin, ai ka katërfishuar taksën e mbetjeve për biznesin e vogël. Ka dyfishuar taksën e çdo qytetari. Ka shpikur taksën e arsimit, në një kohë kur jo e majta, por edhe e djathta, e ka në gen detyrimin për arsimin falas.”
Partia Demokratike rikthehet në garën për pushtetin vendor, pas bojkotit që i bëri zgjedhjeve lokale 4 vite më parë; bojkot që çoi në dorëzimin e 60 bashkive tek partia socialiste.
Por sot Partia Demokratike dhe aleatët e saj nuk e kanë garën vetëm me Partinë Socialiste por edhe me demokratët që njohin si drejtues Enkelejd Alibeajn të cilët gjithashtu do të kenë kandidatët e tyre në këto zgjedhje.
Nga ana tjetër, Sali Berisha duhet të zgjidhë problemin e regjistrimit në zgjedhje pasi aktualisht gjykata njeh si kryetar të PD Lulzim Bashën i cili është i vetmi që ka të drejtë të regjistrojë kandidatët e të ketë komisionerë në 14 maj.