Ka mbërritur në gjykatën e Korçës, 46 vjeçari Aleko Myrtollari, i cili mbrëmjen e së shtunës plagosi rëndë me thikë bashkëshorten e tij Marjola Myrtollarin.
46 vjeçari pritet të njihet me masën e sigurisë “arrest në burg” e cila u dha pas ngjarjes nga gjykata e Korçës në mungesë.
Burime nga prokuroria e Korçës bëjnë të ditur se organi i akuzës në kërkesën për njohjen për masën e sigurisë që i ka dërguar gjykatës, do të kërkojë që Myrtollari të mbetet në burg deri në përfundim të hetimeve.
Pas konfliktit me fjalë me bashkëshorten e tij, Aleko Myrtollari plagosi këtë të fundit me thikë duke i shkaktuar plagë të rënda.
Para uniformave blu ai deklaroi se shkak ishte bërë mosdakordësimi që bashkëshortja e tij të niste punë, gjë të cilën ajo e kishte refuzuar.
Autori u vetëdorëzua në polici pas dy ditësh kërkime, ndërsa qëndronte i fshehur në banesat e të afërmve.