Energjia po konsiderohet si minë me sahat për ekonominë, pasi rritja përtej imagjinatës e çmimeve deri 1000 euro për më/h po shton gjithnjë e më shumë rrezikun edhe për mungesën e saj në treg. Në këto kushte, teksa shumë shtete po zbatojnë një plan kursimi, edhe Ministria e Energjisë paralajmëron një sërë masash. Fillimisht, institucioneve qëndrore do t’i vendoset një sasi e caktuar konsumi, me fokus reduktimin e saj.
“Çdo institucioni qëndror do t’i vendoset një target përqindjeje i uljes së konsumit. Do të për bëhët një përllogaritje se sa do të jetë ky target, me qëllim mos cënimin e punës. Kjo masë vjen në të njëjtën linjë me shtetet e tjera europiane”- shprehet Enea Karakaci, drejtor i energjisë në ministri.
Advertisementgoogle_ad_client = "ca-pub-9470492314070355"; google_ad_slot = "5632655076"; google_ad_width = 300; google_ad_height = 250; google_page_url ="http://www.zhaku.net/";
Burime bëjnë të ditur për Vizion Plus se do të gjendet edhe mekanizmi që kjo masë të shtrihet me detyrim edhe tek njësitë vendore. Ndërkohë do të vijojë ndërprerja e energjisë edhe përgjatë rrugëve kryesore. Në fushatën e nisur nga Ministria ka edhe një apel për qytetarët.
“Qytetarëve duhet tu themi që energjia tashmë po bëhët gjithnjë e më e kushtueshme, ndaj çdo masë kujdesi që vjen në funksion të kursimit të saj duhet të shihet me përparësi.”
Plasni i kursimit vjen edhe si një domosdoshmëri, në kushtet kur tregjet ndërkombëtare janë përfshirë nga pasiguri të mëdha për sezonin e dimrit.
Çdo ulje konsumi përkthehet në përfitim financiar, i nevojshëm për blerje energjie. Konkretisht në çmimet aktuale nëse konsumi do të ulej me vetëm 1 % përftimi finaciar do të ishte 33 miliard lekë në vit- sqaron Karakaci.
Pjesë e planit të masave të kursimit është edhe rritja e çmimit të energjisë për ata konsumatorë që konsumojnë mbi 800 kv/h në muaj, për të cilin qeveria është në fazën finale të studimit.
Kjo masë pritet të zyrtarizohet gjatë shtatorit, pasi ministrja ka njoftuar se ajo do të nisë zbatimin në muajin tetor.