Analisati Plator Nesturi thotë se ardhja e Ilir Metës në krye të Presidencës ka qenë një kurth politik i Ramës.
Në studion e “Quo Vadis”, Nesturi theksoi se pasi u zgjodh president, Meta zgjodhi të bënte politikanin dhe jo presidentin.
“Unë mendoj se ardhja e Metës në krye të presidencës shqiptare ka qenë një kurth politk i Ramës dhe i mazhorancës sepse në atë kohë kishim përpara zgjedhjet parlamentare dhe PS do të dilte e vetme e jo në koalicion me LSI. Ky ishte një moment për t’i dhënë një ngritje në detyrë Metës për ta eleminuar nga protagonizmi i tij edhe si kreu i LSI. Meta kishte dy rrugë për të zgjedhur, ai ka qenë njëriu që ka qenë në të gjitha tyrezat e marrëveshjeve si me të majëtn e me të djathtën. Në momentin që bëhet president ose do bëjë presidentin ose politikanin. Meta zgjodhi të bëjë politikanin dhe jo president, ky është problem i tij”, tha Nesturi.