Nënkryetari Luçiano Boçi e ka konsideruar 6 dhjetorin si datë të përshtatshme për mbajtjen e një proteste nga opozita në Tiranë pavarësisht se në të njëjtën ditë, do të mbahet në kryeqytet Samiti i liderëve të BE.
Samit ky që është një nga eventet më të rëndësishme politike të ndodhura në vend.
Në studion e Quo Vadis, Boçi tha se janë të shumta interpretimet por gjetja e kësaj date për protestë është mëse e pranueshme dhe nuk duhet marrë si provokim apo rrezik.
Boçi qartësoi se nuk ka asnjë kundërshti nga opozita ndaj Samitit të BE por është një mundësi që problematikat e Shqipërisë të bëhen të dukshme për faktorin ndërkombëtar.
“Ka interpretime të shumta. Është një datë që ka një takim të rëndësishëm dhe siç është axhenda e rëndësishme, pse jo, të ketë edhe mesazhe të domosdoshme për realitetin shqiptar e për atë europian.
Ka shumë probleme të cila nuk duhet të mbesin vetëm të artikuluara si shqetësimet e një vendi që aspiron BE por të kapërcejnë edhe gardhin që mbahet me forcë nga kontrolli qeveritar ndaj këtyre të vërtetave pavarësisht se raporte ndërkombëtare vazhdojnë e nxijnë Shqipërinë.
Advertisementgoogle_ad_client = "ca-pub-9470492314070355"; google_ad_slot = "5632655076"; google_ad_width = 300; google_ad_height = 250; google_page_url ="http://www.zhaku.net/";
Gjetja e kësja date është mëse e pranueshme e nuk duhet parë as si rrezik apo provokim. Nuk ka kundërshti ndaj kësaj mbledhje që është e mirëpritur por të vërtetat duhen thënë.”– tha Boçi.