Mosshitja e grurit si dhe ulja e çmimit të qumështit nga grumbulluesit i ka detyruar fermerët e bashkisë së Devollit të protestojnë këtë të shtunë në hyrjen e qytetit të Bilishtit.
Sipas tyre, importi është armiku kryesor që gruri nuk shitet dhe qumështi po shitet më lirë.
Protestuesit kanë paralajmëruar përshkallëzim të protestave në rast se ministria e linjës dhe qeveria nuk mbrojnë interesat e fermerëve vendas, madje shkojnë e më tej kur thonë se protestën e tyre do e zhvendosin në kryeqytet.
Nëse një vit më parë një kilogram grurë shitej deri 55 lekë, këtë vit thuajse askush nuk është i interesuar për grurin e juglindjes së vendit.
Nga ana tjetër, pak muaj më parë një litër qumësht është grumbulluar me 75 lekë e sot ai blihet nga shumica me vetëm 50 lekë./vizionplus.tv