Kryetarja Komisionit të Integrimit Jorida Tabaku akuzoi mazhorancën se ka ngritur një grup pune për të suprimuar punën e parlamentit të Shqipërisë. Në një deklaratë për gazetarët Tabaku deklaroi se kjo iniciativë e shumicës socialiste po i shpërben çdo shtylle të institucioneve në vend
“Ngritja e grupeve të punës së një partie për të kryer punën që sot kryejnë komisionet parlamentare dhe Këshilli Kombëtar i Integrimit është një përpjekje e qartë e shtrembërimit të një demokracie institucionale në një pushtet parti-shtet”, tha kryetarja e Komisionit të Integrimit Jorida Tabaku.
Sipas Tabakut qëllimi i vërtetë i PS është që nëpërmjet këtij grupi pune të vendosë nën kontroll SPAK-un
“Ky akt politik është në të vërtetë sulmi më i pastër dhe i hapur që i bëhet institucioneve të drejtësisë që prej reformimit të drejtësisë në ndryshimet kushtetuese të vitit 2016”, shtoi Tabaku.
Pak ditë më parë kryetari socialist i komisionit të ekonomisë Eduard Shalsi sqaroi se PS ka ngritur një grup pune i cili do të kalojë në sitë punën e kuvendit me qëllimi për t’i dhënë më shumë ekspertizë dhe burime njerëzore në rishikimin e ligjeve dhe procesin e llogaridhënies në parlament të institucioneve të pavarura dhe kushtetuese ku përfshihen dhe organet e reja të drejtësisë./vizionplus.tv